ന്യൂഡല്‍ഹി : 10, 12 ക്ലാസുകളില്‍ ബോര്‍ഡ് പരീക്ഷ എഴുതുന്ന കുട്ടികളുടെ മാതാപിതാക്കള്‍ക്ക് ഉപദേശ നിര്‍ദേശങ്ങളുമായി സിബിഎസ്ഇ. കുട്ടികള്‍ സമ്മര്‍ദ്ദമില്ലാതെ പരീക്ഷ എഴുതുന്നു എന്ന് ഉറപ്പാക്കേണ്ട ബാധ്യത മാതാപിതാക്കള്‍ക്കാണ്.

തലേന്ന് പരീക്ഷാകേന്ദ്രം സന്ദര്‍ശിച്ച് സ്ഥലം അതുതന്നെയെന്ന് ഉറപ്പുവരുത്തണം. രാവിലെ 9.45 ന് മുമ്പ് കുട്ടിയെ പരീക്ഷാകേന്ദ്രത്തിലെത്തിക്കണം. 10 ന് ശേഷം പ്രവേശനമില്ല. കുട്ടികള്‍ യൂണിഫോമില്‍ ആയിരിക്കണം. തിരിച്ചറിയല്‍ കാര്‍ഡ് കരുതണം. 

സംശയാസ്പദ കാര്യങ്ങളും ഊഹാപോഹ പ്രചാരണവും parents2cbse@gmail.com എന്ന വിലാസത്തില്‍ അറിയിക്കണം