പാലക്കാട്: അറ്റകുറ്റപ്പണി നടക്കുന്നതിനാൽ മാർച്ച് അഞ്ച് വരെ മൂന്ന് ട്രെയിനുകൾ വൈകിയോടും. എട്ടിമടയ്ക്കും വാളയാറിനുമിടയിലാണ് അറ്റകുറ്റപ്പണികൾ നടക്കുന്നത്.
ഷൊർണൂർ– കോയമ്പത്തൂർ പാസഞ്ചർ (56604)മാർച്ച് അഞ്ച് വരെ 25 മിനിറ്റ് വാളയാറിൽ പിടിച്ചിടും. കോയമ്പത്തൂരിൽ നിന്ന് ഷൊർണൂരിലേക്കുള്ള ട്രെയിൻ (56605) 20 മിനിറ്റ് മധുക്കരയിൽ നിർത്തും. കണ്ണൂർ– കോയമ്പത്തൂർ പാസഞ്ചർ (56650) വെള്ളി, ഞായർ ഒഴികെയുള്ള ദിവസങ്ങളിൽ 35 മിനിറ്റ് വാളയാറിൽ നിർത്തിയിടും.
യാത്രക്കാരുടെ തിരക്ക് പരിഗണിച്ച് ഹൂബ്ലി–- കൊച്ചുവേളി–-ഹൂബ്ലി (1277712778) പ്രതിവാര എക്സ്പ്രസിന് ഏഴ് സ്ലീപ്പർ കോച്ചുകൾ കൂടി അനുവദിച്ചു. ഹൂബ്ലിയിൽ നിന്നുള്ള ട്രെയിനിന് രണ്ട്, ഒൻപത്,16 തീയതികളിലും കൊച്ചുവേളിയിൽ നിന്നുള്ളതിന് 3, 10, 17 തീയതികളിലുമാണ് അധിക കോച്ച് അനുവദിച്ചിട്ടുള്ളത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ