കൊച്ചി: മുന്നോക്കക്കാരിലെ പിന്നോക്കക്കാര്ക്ക് സാമ്പത്തികസംവരണം നടപ്പാക്കിയതിന് നന്ദി അറിയിച്ച് പ്രധാനമന്ത്രി നരേന്ദ്ര മോദിക്ക് എന്എസ്എസ് ജനറല് സെക്രട്ടറി ജി സുകുമാരന് നായരുടെ കത്ത്. മോദിയുടെ നേതൃത്വത്തിന് എല്ലാ പ്രാര്ഥനകളുമുണ്ടെന്ന് കത്തില് പറയുന്നു. മുന്നോക്കക്കാരില് പിന്നോക്കം നില്ക്കുന്നവര്ക്ക് വിദ്യാഭ്യാസത്തിലും ജോലിയിലും പത്തുശതമാനം സംവരണം ഏര്പ്പെടുത്താനുള്ള തീരുമാനത്തെ എന്എസ്എസ് പ്രശംസിച്ചിരുന്നു.
സമുദായത്തിന്റെ ദീര്ഘകാലത്തെ ആവശ്യം അംഗീകരിച്ചതിന് നന്ദി അറിയിക്കുന്നുവെന്ന് സുകുമാരന് നായര് കത്തില് പറയുന്നു. യുപിഎ സര്ക്കാരിന്റെ കാലത്ത് സാമ്പത്തിക സംവരണത്തെക്കുറിച്ച് പഠിക്കാന് സമിതി രൂപീകരിച്ചെങ്കിലും റിപ്പോര്ട്ട് ലഭിച്ചശേഷം തുടര്നടപടിയുണ്ടായില്ലെന്ന് കത്തില് കോണ്ഗ്രസിന് കുറ്റപ്പെടുത്തി സുകുമാരന് നായര് പറയുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ