കൊച്ചി: എറണാകുളം അങ്കമാലി അതിരൂപതയിലെ സഹായ മെത്രാന്മാരെ പുറത്താക്കിയ നടപടിക്കെതിരെ വൈദികർ ഇന്ന് പ്രതിഷേധ യോഗം ചേരും. സഹായ മെത്രാന്മാരായ മാർ സെബാസ്റ്റ്യൻ എടയന്ത്രത്ത്, മാർ ജോസ് പുത്തൻവീട്ടിൽ എന്നിവരെ സ്ഥാനത്തുനിന്ന് മാറ്റിയതിനെതിരെയാണ് എറണാകുളം അങ്കമാലി അതിരൂപതയിലെ വൈദികർ പ്രതിഷേധയോഗം ചേരുന്നത്. കർദിനാർ മാർ ജോർജ് ആലഞ്ചേരിയോടുള്ള വിയോജിപ്പ് യോഗത്തിൽ പരസ്യമായി പ്രകടിപ്പിക്കും.
ഇന്ന് രാവിലെ 10 മണിക്ക് കലൂർ റിന്യൂവൽ സെന്ററിൽ വച്ചാണ് വൈദീകർ യോഗം ചേരുന്നത്. സഹായ മെത്രാന്മാർക്കെതിരെ ഉണ്ടായ നടപടി വത്തിക്കാൻ നിർദ്ദേശിച്ചിട്ടില്ലെന്നും അത് കർദിനാളിന്റെ പ്രതികാര നടപടിയാണെന്നുമാണ് വൈദികരുടെ നിലപാട്. ഇത് രേഖാമൂലം വത്തിക്കാന്റെ ശ്രദ്ധയിൽ കൊണ്ടുവരാനും പദ്ധതിയുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ