തിരുവനന്തപുരം: എന്‍ജിന്‍ തകരാറിലായതിനെ തുടര്‍ന്ന് തിരുവനന്തപുരം- മാലിദ്വീപ് വിമാനം റദ്ദാക്കി. തിരുവനന്തപുരത്ത് നിന്ന് മാലദ്വീപിലേക്ക് ഉച്ചക്ക് 2.45ന് പുറപ്പടേണ്ടിയിരുന്ന മാല എയര്‍വേയ്‌സ് വിമാനമാണ് റദ്ദാക്കിയത്.
വിമാനം യാത്രക്കായി റണ്‍വേയിലേക്ക് കടക്കുമ്പോഴായിരുന്നു എന്‍ജിന്റെ ഒരു ഭാഗത്തിന്റെ പ്രവര്‍ത്തനം നിലച്ചത്. ഇതേ തുടര്‍ന്ന് വിമാനം ബേയിലേക്ക് മാറ്റി. തകരാര്‍ പരിഹരിച്ച ശേഷം നാളെ ഉച്ചയോടെ വിമാനം പുറപ്പെടുമെന്ന് വിമാനക്കമ്പനി അധികൃതര്‍ അറിയിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ