കൊച്ചി: ഹൈക്കോടതിയില്‍ ജോലി വാഗ്ദാനം ചെയ്ത് തട്ടിപ്പിന് ശ്രമിച്ച യുവതി പിടിയില്‍. ചേര്‍ത്തല സ്വദേശിനിയായ ആശാ അനില്‍കുമാറാണ് പൊലീസ് പിടിയിലായത്. ഹൈക്കോടതിയിലെ ഷോഫര്‍, ക്ലാര്‍ക്ക് തസ്തികളിലേക്ക് നിയമനം വാഗ്ദാനം ചെയ്താണ് ആശ തട്ടിപ്പിന് ശ്രമിച്ചത്.
ഒന്‍പത് ലക്ഷത്തോളം രൂപ ഇതിനായി ആവശ്യപ്പെട്ടെന്നാണ് പരാതി. ഹൈക്കോടതി വിജിലന്‍സിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ പൊലീസിൽ പരാതി നൽകുകയായിരുന്നു. പിന്നീട് പൊലീസ് നടത്തിയ അന്വേഷണത്തിലാണ് ആശ പിടിയിലായത്.
എറണാകുളം ജില്ലാ കോടതികള്‍ കേന്ദ്രീകരിച്ച് അഭിഭാഷകര്‍ക്കായി കേസുകള്‍ ക്യാന്‍വാസ് ചെയ്യുന്ന വ്യക്തിയാണ് ആശ. വർഷങ്ങൾക്കൊണ്ട് നേടിയെടുത്ത പരിചയം വെച്ചുകൊണ്ടാണ് ആശ തട്ടിപ്പിന് ശ്രമിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ