കൊച്ചി: എറണാകുളം സെന്‍ട്രല്‍ സിഐ വിഎസ് നവാസിനെ കാണാനില്ലെന്ന് പരസ്യം നല്‍കി കേരള പൊലീസിന്റെ ഫേസ്ബുക്ക് പേജ്. നവാസിന്റെ തിരോധാനവുമായി ബന്ധപ്പെട്ട് വിവാദങ്ങള്‍ തുടരുന്നതിനിടെയാണ് കേരള പൊലീസ് ഫേസ്ബുക്ക് പേജില്‍ വെള്ളിയാഴ്ച രാത്രി പരസ്യം നല്‍കിയിരിക്കുന്നത്.
നവാസിന്റെ ശരീരപ്രകൃതിയെക്കുറിച്ച് പറയുന്ന മാന്‍ മിസ്സിങ് പരസ്യത്തില്‍ കാണാതായ സമയത്ത് ധരിച്ച വസ്ത്രത്തെ കുറിച്ചുള്ള വിവരണവും നല്‍കിയിട്ടുണ്ട്. കടുംനീല നിറത്തിലുള്ള ഷര്‍ട്ടും മങ്ങിയ വെള്ള പാന്റ്‌സും ഹാന്‍ഡ് ബാഗും ഉണ്ടായിരുന്നതായി പരസ്യത്തില്‍ പറയുന്നു.
അതേസമയം, സിഐ നവാസിന്റെ തിരോധാനത്തില്‍ ഇതുവരെ തുമ്പ് ലഭിക്കാത്തതില്‍ കേരള പൊലീസിനെ വിമര്‍ശിച്ച് നിരവധി കമന്റുകളാണ് പോസ്റ്റിന് താഴെ പ്രത്യക്ഷപ്പെട്ടിരിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ