കൊച്ചി: തിരുവനന്തപുരം വിനാനത്താവളം വഴിയുള്ള സ്വര്‍ണക്കടത്ത് കേസില്‍ കസ്റ്റംസ് ഉദ്യോഗസ്ഥര്‍ക്ക് വീഴ്ചപറ്റിയെന്ന വിമര്‍ശനവുമായി ഹൈക്കോടതി. പ്രതികളെ കസ്റ്റഡിയില്‍ ചോദ്യം ചെയ്യാതെ എങ്ങനെ കേസ് മുന്നോട്ടു പോകുമെന്ന് കോടതി ചോദിച്ചു. കേസ് ഡയറി ഹാജരാക്കാനും കോടതി ആവശ്യപ്പെട്ടു.
കേസ് രജിസ്റ്റര്‍ ചെയ്യാതെ കൂടുതല്‍ പ്രതികളുണ്ടെന്ന് എങ്ങനെ പറയുമെന്ന് കോടതി ചോദിച്ചു. അഫ്‌സല്‍,ഫൈസല്‍ എന്നീ രണ്ടു പ്രതികള്‍ കൂടി കേസിലുണ്ടെന്ന് ഡിആര്‍ഐ അറിയച്ചപ്പോഴാണ് കോടതി ഇക്കാര്യം ചോദിച്ചത്. പ്രതികളെ കസ്റ്റഡിയിലെടുത്ത് ചോദ്യം ചെയ്യാന്‍ അപേക്ഷ നല്‍കാത്തത് എന്തുകൊണ്ടാണെന്നും കോടതി ചോദിച്ചു. കേസ് ഉച്ചയ്ക്ക് ശേഷം വീണ്ടും പരിഗണിക്കും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ