പാലക്കാട്: പാലക്കാട് ചിറ്റൂരിൽ വൻ സ്പിരിറ്റ് വേട്ട. കാറിൽ കടത്താൻ ശ്രമിക്കവേയാണ് എക്സൈസ് പിടികൂടിയത്. 525 ലിറ്റ‍ർ സ്പിരിറ്റാണ് പിടിച്ചെടുത്തത്. കാർ ഡ്രൈവ‍ർ അത്തിമണി അനിൽ ഓടി രക്ഷപ്പെട്ടു. കാറിൽ കൂടെയുണ്ടായിരുന്ന തത്തമംഗലം സ്വദേശി മണി അറസ്റ്റിലായി. 

35 ലിറ്ററിന്‍റെ 15 കന്നാസുകളിലായാണ് സ്പിരിറ്റ് കടത്തിയത്. തൃശൂരിൽ നിന്ന് കൊണ്ട് വന്ന സ്പിരിറ്റ് കള്ളുഷാപ്പുകളിലേക്ക് എത്തിക്കാൻ വേണ്ടിയാണ് കടത്തിയതാണെന്നാണ് സൂചന.