കൊച്ചി: പത്താംക്ലാസ്, പ്ലസ്ടു ഫലപ്രഖ്യാപന ചര്‍ച്ചകളാണ് ഇപ്പോള്‍ സമൂഹമാധ്യമങ്ങളില്‍ നിറഞ്ഞുനില്‍ക്കുന്നത് . എ പ്ലസ് നേടിയവരെയും ഉയര്‍ന്ന മാര്‍ക്ക് കരസ്ഥമാക്കിയവരെയും അഭിനന്ദിച്ചുകൊണ്ട് പോസ്റ്റുകള്‍ സജീവമാണ്. അതൊടൊപ്പം ശ്രദ്ധേയമാകുകയാണ് മൂന്നു വിദ്യാര്‍ഥികളുടെ ഫ്‌ലക്‌സിനെ കുറിച്ചുള്ള വാര്‍ത്തകള്‍.
എസ്എസ്എല്‍സി പരീക്ഷയ്ക്ക് എല്ലാ വിഷയത്തിനും ഡി പ്ലസ് നേടിയ വിദ്യാര്‍ഥികളാണ് തങ്ങളുടെ ചിത്രം ഫ്‌ലക്‌സ് ആക്കിയത്. 'മുറിവേറ്റ സിംഹത്തിന്റെ ശ്വാസം ഗര്‍ജ്ജനത്തേക്കാള്‍ ഭയാനകമായിരുന്നു' എന്നാണ് ഫ്‌ലക്‌സില്‍ വിദ്യാര്‍ഥികള്‍ കുറിച്ചത്. മാത്രമല്ല, സ്വയം അഭിനന്ദിച്ചുകൊണ്ടുള്ള വരിയുമുണ്ട്. 'ചരിത്രവിജയം കരസ്ഥമാക്കിയ പള്ളിക്കുന്നിലെ പൊന്നോമനകളായ ഞങ്ങള്‍ക്ക് ഞങ്ങളുടെ അഭിനന്ദനങ്ങള്‍' എന്നായിരുന്നു സ്വയം അഭിനന്ദിച്ചുകൊണ്ട് എഴുതിയിരിക്കുന്നത്. എന്തായാലും ഫ്‌ലക്‌സ് സമൂഹമാധ്യമങ്ങള്‍ ഏറ്റെടുത്തുകഴിഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ