പെരിന്തൽമണ്ണ: ഭർത്താവിനൊപ്പം ജീവിക്കാൻ സ്വന്തം മാതാപിതാക്കൾ സമ്മതിക്കുന്നില്ലെന്ന് ആരോപിച്ച് മകൾ വനിതാ കമ്മീഷനിൽ. മലപ്പുറം സ്വദേശിനിയായ സ്ത്രീ വിദേശത്തിരുന്നാണ് വനിതാ കമ്മീഷനിൽ പരാതി നൽകിയത്.  കമ്മീഷൻ നടത്തിയ ഒത്ത് തീർപ്പ് ചർച്ചയിലാണ് നാടകീയമായി യുവതി മാതാപിതാക്കളെ മൊഴി ചൊല്ലിയത്.  

വിഡിയോ കോളിൽ പരസ്പരം സംസാരിക്കാൻ കമ്മീഷൻ അം​​ഗമാണ് സംവിധാനമുണ്ടാക്കിയത്. ഫോൺ എടുത്തപ്പോൾ മാതാപിതാക്കൾക്ക് അദാലത്തിൽ വച്ച് കൈമാറുകയും ചെയ്തു. ഉടനെയാണ് നി​ങ്ങ​ളു​മാ​യി എ​നി​ക്ക് യാ​തൊ​രു ബ​ന്ധ​വു​മി​ല്ലെ​ന്നും ദ​യ​വു ചെ​യ്ത് ശ​ല്യം ചെ​യ്യ​രു​തെ​ന്നും യുവതി അമ്മയോട് വ്യക്തമാക്കിയത്.

ഒരു വർഷത്തിലേറെയായി മകൾ ജീവിച്ചിരുപ്പുണ്ടോ എന്ന് പോലും അറിവില്ലെന്നായിരുന്നു പെൺകുട്ടിയുടെ അമ്മയുടെ വാദം. മകളെ ഭർതൃ വീട്ടുകാർ പിടിച്ചുവച്ചിരിക്കുകയാണെന്നും അവർ വെളിപ്പെടുത്തിയിരുന്നു. എന്നാൽ മകൾ കൂ​ടെ നി​ൽ​ക്ക​ണ​മെ​ന്ന വാ​ശി​യാ​ണ് സ്വ​ന്തം വീ​ട്ടു​കാ​ർ​ക്കെ​ന്നാ​യി​രു​ന്നു ഭ​ർ​തൃ​മാ​താ​പി​താ​ക്ക​ളു​ടെ വിശദീകരണം.