ദമാം:  റോഡ് മുറിച്ച് കടക്കുന്നതിനിടെയുണ്ടായ അപകടത്തിൽ തിരുവനന്തപുരം സ്വദേശിയായ യുവാവ് മരിച്ചു. ദമാമിൽ കൂജാ പാർക്കിനു സമീപമാണ് അപകടമുണ്ടായത്. ഞാറായിൽകോണം സ്വദേശി നിഷാദ് (30) ആണ് മരിച്ചത്.

റോഡ് മുറിച്ച് കടക്കുന്നതിനിടെ വാഹനത്തിന്റെ സൈഡ് ഗ്ലാസ് തട്ടി റോഡിലേക്ക് തെറിച്ചു വീഴികായായിരുന്നു നിഷാദ്. ദമാം സീക്കോയിലെ മസായ നട്സ് ഷോപ്പിലെ ജീവനക്കാരനാണ് ഇയാൾ. അവധി കഴിഞ്ഞ് മടങ്ങിയെത്തി 15-ാം ദിവസമാണ് അപകടം സംഭവിച്ചത്. അഞ്ചു മാസം മുൻപായിരുന്നു നിഷാദിന്റെ വിവാഹം.

ദമാം മെഡിക്കൽ കോംപ്ലക്സ് മോർച്ചറിയിലാണ് മൃതദേഹം സൂക്ഷിച്ചിരിക്കുന്നത്. മൃതദേഹം നാട്ടിലേക്ക് കൊണ്ടുവരുന്നതിനുള്ള നടപടിക്രമങ്ങൾ പുരോ​ഗമിക്കുന്നതായാണ് റിപ്പോർട്ടുകൾ.