കൊച്ചി: ശബരിമലയില്‍ പോകാന്‍ സംരക്ഷണം ആവശ്യപ്പെട്ടു രഹ്ന ഫാത്തിമ കൊച്ചി ഡപ്യൂട്ടി കമ്മീഷണര്‍ക്ക് അപേക്ഷ നല്‍കി. സര്‍ക്കാരുമായി ആലോചിച്ച് തീരുമാനം അറിയിക്കാമെന്ന് ഡിസിപി അറിയിച്ചെന്ന് രഹ്ന ഫാത്തിമ പറഞ്ഞു.
നിയമവ്യവസ്ഥയ്ക്ക് അനുസരിച്ചാണ് ശബരിമലയ്ക്ക് പോകുന്നത്. അതിനുള്ള അവകാശമുണ്ട് . ജന്മദിനമായ നവംബര്‍ 26 ന് മാലയിടാമെന്നാണ് കരുതുന്നത് . കുടുംബത്തോടെ പോകാനാണ് പദ്ധതി. ഭക്തരുടെ എതിര്‍പ്പിനെ ഭയപ്പെടുന്നില്ലെന്നും രഹ്ന ഫാത്തിമ മാദ്ധ്യമങ്ങളോട് പറഞ്ഞു .
കഴിഞ്ഞ മണ്ഡലകാലത്തും രഹ്ന ഫാത്തിമ പൊലീസിന്റെ സഹായത്തോടെ ശബരിമലയില്‍ കയറാന്‍ ശ്രമിച്ചിരുന്നു . എന്നാല്‍ എതിര്‍പ്പിനെ തുടര്‍ന്ന് പിന്‍മാറേണ്ടി വന്നു. ബിഎസ്എന്‍എല്‍ ജീവനക്കാരിയായ രഹ്ന സസ്‌പെന്‍ഷനിലാണ്‌
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ