കണ്ണൂര്‍ : കണ്ണൂര്‍ കോര്‍പ്പറേഷന്‍ മേയറായി കോണ്‍ഗ്രസിലെ സുമ ബാലകൃഷ്ണനെ തെരഞ്ഞെടുത്തു. 55 അംഗ കൗണ്‍സിലില്‍ 28 പേരുടെ പിന്തുണയോടെയാണ് സുമ വിജയിച്ചത്. എല്‍ഡിഎഫ് സ്ഥാനാര്‍ത്ഥിയായ മുന്‍മേയര്‍ ഇ പി ലതയെയാണ് സുമ പരാജയപ്പെടുത്തിയത്. ലതയ്ക്ക് 25 വോട്ട് നേടാനെ സാധിച്ചുള്ളൂ.
കോണ്‍ഗ്രസ് വിമതന്‍ പി കെ രാഗേഷിന്റെ പിന്തുണയോടെ യുഡിഎഫ് കൊണ്ടുവന്ന അവിശ്വാസപ്രമേയത്തിലൂടെയാണ് ഇടതുപക്ഷം ഭരണത്തില്‍ നിന്നും പുറത്താകുന്നത്. മേയറായിരുന്ന സിപിഎമ്മിലെ ഇ പി ലതയാണ് പുറത്താക്കപ്പെട്ടത്.
കഴിഞ്ഞദിവസം കൂറുമാറിയ ഡെപ്യൂട്ടി മേയര്‍ പി കെ രാഗേഷിനെതിരെ എല്‍ഡിഎഫ് അവിശ്വാസപ്രമേയം അവതരിപ്പിച്ചെങ്കിലും പരാജയപ്പെട്ടിരുന്നു. എല്‍ഡിഎഫിന്റെ ആകെയുള്ള 26 അംഗങ്ങള്‍ മാത്രമാണ് പ്രമേയത്തെ അനുകൂലിച്ചത്. യുഡിഎഫ് ഒന്നടങ്കം ചര്‍ച്ചയും വോട്ടെടുപ്പും ബഹിഷ്‌കരിക്കുകയായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ