തിരുവനന്തപുരം : ഓണക്കാലത്തെ ബില്ലുകള്‍ മാറാനും മറ്റ് സാമ്പത്തിക ഇടപാടുകള്‍ക്കുമായി അവധി ദിനമായ ഞായറാഴ്ചയും ട്രഷറികള്‍ തുറന്നു പ്രവര്‍ത്തിക്കുമെന്ന് സര്‍ക്കാര്‍. ഞായറാഴ്ച ട്രഷറി അടച്ചാല്‍ അടുത്ത തിങ്കളാഴ്ചയേ തുറക്കൂ. ഈ ദിവസങ്ങളില്‍ ചെലവുകല്‍ ഒന്നും വരില്ല എന്നുപറയാനാവില്ല എന്നും ധനമന്ത്രി ഡോ. തോമസ് ഐസക്ക് പറഞ്ഞു.
നിത്യനിദാന ചെലവുകള്‍ക്ക് അനുവദിക്കുന്ന തുക ഒരു കോടിയായി ഉയര്‍ത്തിയിട്ടുണ്ട്. തിങ്കളാഴ്ച വരെ ഇത് തുടരും. കരാറുകാരുടെയും മറ്റും ഒരു കോടി രൂപ വരെയുള്ള ബില്ലുകള്‍ കൊടുത്തുതീര്‍ക്കാനാണ് ലക്ഷ്യമിടുന്നത്. സര്‍ക്കാരിന് കഠിനമായ സാമ്പത്തിക ഞെരുക്കമുണ്ട്. എന്നാല്‍ ആ പ്രയാസം ഓണത്തെ ബാധിക്കില്ലെന്നും ധനമന്ത്രി പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ