തിരുവനന്തപുരം ജില്ലയില്‍ ഇന്നും സര്‍ക്കാര്‍ ഡോക്ടര്‍മാരുടെ പ്രതിഷേധ സമരം. സമരത്തെ തുടര്‍ന്ന് തിരുവനന്തപുരം ജില്ലയിലെ സര്‍ക്കാര്‍ ആശുപത്രികളില്‍ ഇന്ന് ഒപി ഉണ്ടായിരിക്കില്ല. കെജിഎംഒഎയുടെ നേതൃത്വത്തിലാണ് സമരം.
പളളിക്കല്‍ പ്രാഥമിക ആരോഗ്യകേന്ദ്രത്തിലെ വനിതാഡോക്ടറെ കയ്യേറ്റം ചെയ്ത സംഭവത്തില്‍ പ്രതിഷേധിച്ചാണ് ഡോക്ടര്‍മാര്‍ കൂട്ട അവധിയെടുത്ത് പ്രതിഷേധിക്കുന്നത്. കാഷ്വാലിറ്റി വിഭാഗം മാത്രമായിരിക്കും പ്രവര്‍ത്തിക്കുക. ഐഎംഎയുടെ നേതൃത്വത്തില്‍ രണ്ട് മണിക്കൂര്‍ ഒപി ബഹിഷ്‌കരിക്കുന്നതിനാല്‍ സ്വകാര്യ ആശുപത്രികളേയും സമരം ബാധിക്കും.
രണ്ട് ദിവസം മുന്‍പ് ഡോക്ടര്‍മാര്‍ ഒരു മണിക്കൂര്‍ ഒപി ബഹിഷ്‌കരിച്ചിരിച്ച് സൂചന സമരം നടത്തിയിരുന്നു. പള്ളിക്കല്‍ പ്രാഥമികാരോഗ്യ കേന്ദ്രത്തിലെ വനിതാ ഡോക്ടറെ കൈയേറ്റം ചെയ്തവരെ പൊലീസ് അറസ്റ്റ് ചെയ്യുന്നില്ലെന്ന് ആരോപിച്ചായിരുന്നു സൂചന സമരം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ