കാസര്‍കോട്: കോവിഡ് ബാധിച്ച് ചികിത്സയിലായിരുന്ന 16 കാസര്‍കോട് സ്വദേശികള്‍ ഇന്ന് ആശുപത്രി വിടും. കാഞ്ഞങ്ങാട് ജില്ലാ ആശുപത്രിയില്‍ ചികിത്സയിലിരുന്ന പത്തുപേര്‍, കാസര്‍കോട് ജനറല്‍ ആശുപത്രിയില്‍ ചികിത്സയിലിരുന്ന രണ്ടുപേര്‍, പരിയാരം മെഡിക്കല്‍ കോളജിലുള്ള നാലുപേര്‍ എന്നിങ്ങനെയാണ് ആശുപത്രിവിടുന്നവരുടെ എണ്ണം. 

പരിയാരത്ത് നിന്ന് ആശുപത്രി വിടുന്നവരില്‍ ഒരു കുടുംബത്തിലെ മൂന്നുപേരുണ്ട്. കഴിഞ്ഞദിവസം കാസര്‍കോട് കോവിഡ് കേസുകള്‍ ഒന്നും റപ്പോര്‍ട്ട് ചെയ്തിരുന്നില്ല. കഴിഞ്ഞദിവസം ജില്ലയില്‍ 28പേരുടെ പരിശോധന ഫലം നെഗറ്റീവ് ആയിരുന്നു. നിലവില്‍ ഏറ്റവും കൂടുതല്‍ കോവിഡ് ബാധിതരുള്ള ജില്ലയാണ് കാസര്‍കോട്.