കൊല്ലം: സിവില്‍ പൊലീസ് ഓഫീസര്‍ക്ക് കോവിഡ് സ്ഥിരീകരിച്ചതിനെ തുടര്‍ന്ന് തെന്‍മല പൊലീസ് സ്റ്റേഷന് താത്കാലികമായി അടച്ചു. ഇദ്ദേഹത്തിനൊപ്പം ഡ്യൂട്ടിയില്‍ ഉണ്ടായിരുന്ന പൊലീസുകാരോട് നിരീക്ഷണത്തില്‍ പോകാന്‍ നിര്‍ദേശിച്ചു. പൊലീസ് സ്റ്റേഷന് അണുവിമുക്തമാക്കിയതിന് ശേഷം തുറന്നു പ്രവര്‍ത്തിക്കും.
വനിതാ സിവില്‍ പൊലീസ് ഓഫീസര്‍ക്ക് കോവിഡ് സ്ഥിരീകരിച്ചതിനെ തുടര്‍ന്ന് അരൂര്‍ പൊലീസ് സ്റ്റേഷന് ഇന്ന് രാവിലെ അടച്ചിരുന്നു. 40 പൊലീസുകാരോട് ക്വാറന്റൈനില്‍ പോകാന്‍ ആരോഗ്യവകുപ്പ് നിര്‍ദേശിച്ചു.
ഇന്നലെ വൈകുന്നേരമാണ് വനിതാ സിവില്‍ പൊലീസ് ഓഫീസര്‍ക്ക് രോഗം സ്ഥിരീകരിച്ചത്. സ്‌റ്റേഷനിലെ മുഴുവന്‍പേര്‍ക്കും പരിശോധന നടത്തും.
ഓഗസ്റ്റ് 12നാണ് ഇവര്‍ അവസാനമായി ഡ്യൂട്ടിക്കെത്തിയത്. ഇവരുടെ കുടുംബാംഗങ്ങള്‍ക്കും രോഗം സ്ഥിരീകരിച്ചിട്ടുണ്ട്. അയല്‍ക്കാരില്‍ നിന്നാണ് രോഗം പകര്‍ന്നത് എന്നാണ് പ്രാഥമിക നിഗമനം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ