കൊച്ചി; നെടുമ്പാശ്ശേരി വിമാനത്താവളത്തിൽ അടിവസ്ത്രത്തിൽ ഒളിപ്പിച്ച് കടത്താൻ ശ്രമിച്ച സ്വർണം പിടികൂടി. 15 ലക്ഷം രൂപ വിലമതിക്കുന്ന 280 ​ഗ്രാം സ്വർണമാണ് പിടികൂടിയത്. ദുബായിൽ നിന്നെത്തിയ നാഗപട്ടണം സ്വദേശി മുനിസ്വാമിയാണ് എയർ കസ്റ്റംസിന്‍റെ പിടിയിലായത്. അടിവസ്ത്രത്തിനുള്ളിൽ മിശ്രിത രൂപത്തിലാക്കി ഒളിപ്പിച്ചാണ് കടത്താനായിരുന്നു ശ്രമം. 

തിരുവനന്തപുരം സ്വർണ്ണക്കടത്ത് വലിയ വിവാദങ്ങൾ തിരികൊളുത്തിയിട്ടും സംസ്ഥാനത്ത് സ്വർണ്ണക്കടത്ത് തുടരുകയാണ്. അഭ്യന്തര വിമാന സർവീസുകൾ ആരംഭിക്കുന്നതിന് മുൻപാണ് ഇത്തരത്തിൽ കള്ളക്കടത്ത് സജീവമാവുന്നത്. തിരുവനന്തപുരം സ്വർണ്ണക്കടത്തിന് ശേഷം കോടിക്കണക്കിന് രൂപയുടെ സ്വർണമാണ് സംസ്ഥാനത്ത് നിന്ന് പിടികൂടിയത്. കുഴമ്പ് രൂപത്തിലാക്കിയും അടിവസ്ത്രത്തിലും ദേഹത്തും ഒളിപ്പിച്ചുമാണ് എല്ലാവരും സ്വർണം കടത്തി കൊണ്ടുപോകാൻ ശ്രമിക്കുന്നത്.