കണ്ണൂർ: സ്കൂളിലേക്കു പോയ 13കാരനെ കാണാനില്ല. പയ്യന്നൂർ തായിനേരി കുറിഞ്ഞി ക്ഷേത്രത്തിനു സമീപമുള്ള പി ഹരിദാസിന്റെയും തോലാട്ട് സാവിത്രിയുടെയും മകനായ കൃഷ്ണദാസിനെ (13)യാണ് കാണാതായത്.

ഇന്ന് രാവിലെ തായിനേരി എസ്എബിടിഎം ഹയർ സെക്കൻഡറി സ്കൂളിലേക്കു പോയതാണ്. സ്കൂൾ യൂണിഫോമിലായിരുന്നു കുട്ടി. സ്കൂളിൽ എത്താത്തതിനാൽ അധ്യാപകർ വീട്ടിലേക്കു വിളിച്ച് അന്വേഷിച്ചപ്പോഴാണ് കാര്യം അറിയുന്നത്.

പയ്യന്നൂർ പൊലീസിൽ പരാതി നൽകി. റെയിൽവേ സ്റ്റേഷനിലെയും കടയിലെയും മറ്റും സിസിടിവി ദൃശ്യങ്ങൾ പൊലീസ് പരിശോധിക്കുന്നു.