കണ്ണൂര്: അപകടത്തില്പ്പെട്ട് മരിച്ച യുവാവിന് കോവിഡ് സ്ഥിരീകരിച്ചു. ബൈക്ക് അപകടത്തില് പെട്ട് പരിയാരം മെഡിക്കല് കോളജില് ചികിത്സയിലിരിക്കെ മരിച്ച അമല് ജോ(19)നാണ് ഇപ്പോള് കോവിഡ് സ്ഥിരീകരിച്ചിരിക്കുന്നത്.
പരിയാരം മെഡിക്കല് കോളജില് ഐസിയുവില്ചികിത്സയിലിരിക്കെയാണ് അമലിന് കോവിഡ് ബാധയേറ്റത് എന്നാണ് സൂചന. ഇതോടെ സംസ്ഥാനത്ത് ഇന്ന് രണ്ട് കോവിഡ് മരണങ്ങള് സ്ഥിരീകരിച്ചു. കാസര്കോട് പടന്നക്കാട് സ്വദേശി നബീസ(75) ഇന്ന് കോവിഡ് ബാധിച്ച് മരിച്ചിരുന്നു. നബീസയും പരിയാരം മെഡിക്കല് കോളെജില് ചികിത്സയിലായിരുന്നു.
കോവിഡ് സ്ഥിരീകരിച്ചതോടെ കാഞ്ഞങ്ങാട്ട ജില്ലാ ആശുപത്രിയിലാണ് നബീസയെ പ്രവേശിപ്പിച്ചത്.എന്നാല് ആരോഗ്യ നില വഷളായതോടെ പരിയാരം മെഡിക്കല് കോളജിലേക്ക് മാറ്റുകയായിരുന്നു. വാര്ധക്യസഹജമായ അവശതകളല്ലാതെ മറ്റ് ആരോഗ്യ പ്രശ്നങ്ങള് നബീസക്ക് ഉണ്ടായിരുന്നില്ല.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ