തിരുവനന്തപുരം: പേരൂര്ക്കട എസ്എപി ക്യാമ്പില് പരിശീലനത്തിന് എത്തിയ പൊലീസുകാരന് കോവിഡ് സ്ഥിരീകരിച്ചു. 110 ട്രെയിനികള്ക്ക് ഒപ്പമാണ് രോഗം സ്ഥിരീകരിച്ച പൊലീസുകാരന് കഴിഞ്ഞിരുന്നത്. അഞ്ചുദിവസം മുന്പാണ് പരിശോധനയ്ക്കായി ഇദ്ദേഹത്തിന്റെ സ്രവം ശേഖരിച്ചത്. ഇന്നാണ് ഫലം പുറത്തുവന്നത്.
സ്രവം ശേഖരിച്ച പൊലീസുകാരെ മാറ്റിപ്പാര്പ്പിക്കാന് ഉന്നത ഉദ്യോഗസ്ഥര് അനുവദിച്ചില്ലെന്നും പൊലീസുകാര്ക്കിടയില് നിന്ന് പരാതി ഉയര്ന്നിട്ടുണ്ട്.
അതേസമയം, അറസ്റ്റ് ചെയ്ത മോഷണക്കേസ് പ്രതിക്ക് രോഗം സ്ഥിരീകരിച്ചതോടെ, തിരുവനന്തപുരം ജില്ലയിലെ കിളിമാനൂര് പൊലീസ് സ്റ്റേഷനിലെ പൊലീസുകാര്ക്ക് കോവിഡ് പരിശോധന ആരംഭിച്ചു. തട്ടത്തുമല മലയ്ക്കല് സ്വദേശിയായ 32 വയസ്സുകാരനാണ് കോവിഡ് സ്ഥിരീകരിച്ചത്.
മാലമോഷണക്കേസില് 17നാണ് ഇയാളെ അറസ്റ്റ് ചെയ്തത്. ഇയാള് വര്ക്കല എസ് ആര് മെഡിക്കല് കോളജില് നിരീക്ഷണത്തില് കഴിയുകായിരുന്നു. ഇന്ന് രാവിലെയാണ് പ്രതിക്ക് രോഗം സ്ഥിരീകരിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ