തിരുവനന്തപുരം: കോവിഡ് 19 പശ്ചാത്തലത്തില്‍ സംസ്ഥാനത്തെ ഏഴാം ക്ലാസ് വരെ അവധി പ്രഖ്യാപിച്ച സാഹചര്യത്തില്‍ സ്‌കൂളുകളില്‍ ഉച്ചഭക്ഷണ പദ്ധതിക്കായി നീക്കിയിരിപ്പുള്ള അരി അതത് സ്‌കൂളുകളിലെ പദ്ധതിയിലുള്‍പ്പെട്ട കുട്ടികള്‍ക്ക് അനുവദിക്കണമെന്ന് പൊതുവിദ്യാഭ്യാസ ഡയറക്ടര്‍ അറിയിച്ചു.

കോവിഡ് 19 ബാധയുടെ പശ്ചാത്തലത്തില്‍ സംസ്ഥാനത്ത് അങ്കണവാടികള്‍ മുതല്‍ ഏഴാം ക്ലാസ് വരെയുള്ള സ്‌കൂളുകള്‍ക്ക് അവധി പ്രഖ്യാപിച്ചിരിക്കുകയാണ്. അങ്കണവാടി കുട്ടികള്‍ക്ക് നല്‍കുന്ന ഉച്ചഭക്ഷണം വീടുകളിലെത്തി നല്‍കുമെന്ന് സര്‍ക്കാര്‍ നേരത്തെ അറിയിച്ചിരുന്നു. 

ഏഴാം ക്ലാസ് വരെയുള്ള പരീക്ഷകളാണ് ഒഴിവാക്കിയിട്ടുള്ളത്. എസ്എസ്എല്‍സിയും 8,9 ക്ലാസുകളിലെ പരീക്ഷകളും നിശ്ചയിച്ചതനുസരിച്ച് നടന്നുവരികയാണ്.