കൊച്ചി: കൊറോണ വൈറസ് വ്യാപനത്തിന്റെ പശ്ചാത്തലത്തിൽ അനാവശ്യ യാത്രകൾ നിരുത്സാഹപ്പെടുത്താൻ ചില വിഭാ​ഗക്കാരുടെ യാത്രാ നിരക്കിലെ ഇളവുകൾ റെയിൽവേ റദ്ദാക്കി. മുതിർന്ന പൗരൻമാർ, വിഐപികൾ, കർഷകർ തുടങ്ങിയ വിഭാ​ഗക്കാരുടെ ഇളവുകളാണ് ഇനിയൊരറിയിപ്പുണ്ടാകുന്നത് വരെ റദ്ദാക്കിയത്. 

റദ്ദാക്കൽ റിസർവേഷനുള്ളതും അല്ലാത്തതുമായ ടിക്കറ്റുകൾക്കു ബാധകമാണ്. വിദ്യാർത്ഥികൾ, നാല് വിഭാ​ഗ​ത്തിൽപ്പെട്ട ഭിന്നശേഷിക്കാർ, 11 വിഭാ​ഗത്തിൽപ്പെട്ട രോ​ഗികൾ എന്നിവർക്കു മാത്രം ഇളവ് തുടരുമെന്ന് റെയിൽവേ അറിയിച്ചു.