കൊല്ലം: കരുനാഗപ്പള്ളിയിൽ പത്ര വിതരണക്കാർക്കിടിയിലേക്ക് കണ്ടെയ്നർ ലോറി പാഞ്ഞുകയറി ഒരാൾ മരിച്ചു. തൊടിയൂർ സ്വദേശി യൂസഫ് (65) ആണ് മരിച്ചത്. അപകടത്തിൽ ബാദുഷ എന്നയാൾക്ക് ​ഗുരുതരമായി പരിക്കേറ്റു. ഇയാളെ ആശുപത്രിയിൽ പ്രവേശിപ്പിച്ചിട്ടുണ്ട്. 

പുലർച്ചെ അഞ്ചേകാലോടെ മഹാദേവർ ക്ഷേത്രത്തിന് സമീപത്താണ് അപകടമുണ്ടായത്. കടത്തിണ്ണയിൽ പത്രക്കെട്ടുകൾ തരം തിരിക്കുന്നതിനിടെ വിതരണക്കാർക്കിടയിലേക്ക് കണ്ടെയ്നർ ലോറി പാഞ്ഞു കയറുകയായിരുന്നു. വാഹനം നിയന്ത്രണം വിട്ടുവരുന്നത് കണ്ട് മറ്റുള്ളവർ ഓടി രക്ഷപ്പെട്ടതിനാൽ വൻ ദുരന്തം ഒഴിവായി.