തിരുവനന്തപുരം: വീട്ടുവളപ്പിൽ കഞ്ചാവ് ചെടി നട്ടുവളർത്തിയ ആൾ അറസ്റ്റിൽ. അരുവിക്കര മുണ്ടല പുത്തൻവീട്ടിൽ രാജേഷ് ഭവനിൽ ചെല്ലപ്പന്റെ മകൻ രാജേന്ദ്രനാണ് (56) അറസ്റ്റിലായത്.   

നെടുമങ്ങാട് എക്സൈസ് സർക്കിൾ ഇൻസ്പെക്ടർ വിനോദ് കുമാറിന്റെ നേതൃത്വത്തിലുള്ള സംഘമാണ് രാജേന്ദ്രനെ അറസ്റ്റ് ചെയ്തത്. രഹസ്യ വിവരത്തിന്റെ അടിസ്ഥാനത്തിൽ എക്സൈസ് സംഘം പരിശോധന നടത്തുകയായിരുന്നു. 

തദ്ദേശ തെരഞ്ഞെടുപ്പ് കണക്കിലെടുത്ത് എക്സൈസ് കമ്മീഷണറുടെ നിർദേശപ്രകാരം വ്യാപക പരിശോധനകൾ നടത്തിവരികയാണ്.