കൊല്ലം: വിവാഹത്തില്‍ നിന്ന് പ്രതിശ്രുത വരന്‍ പിന്മാറിയതിനെ തുടര്‍ന്ന് ആത്മഹത്യ ചെയ്ത യുവതിയുടെ സഹോദരി പൊലീസ് കസ്റ്റഡിയില്‍. 2020 സെപ്തംബറില്‍ കൊട്ടിയത്ത് ആത്മഹത്യ ചെയ്ത പെണ്‍കുട്ടിയുടെ സഹോദരിയേയും, യുവാവിനേയുമാണ് പൊലീസ് കസ്റ്റഡിയില്‍ എടുത്തത്.
അന്ന് വീട്ടിലെ കിടപ്പു മുറിയില്‍ യുവതിയെ തൂങ്ങി മരിച്ച നിലയില്‍ കണ്ടെത്തുകയായിരുന്നു. പെണ്‍കുട്ടി ആത്മഹത്യ ചെയ്ത സംഭവത്തില്‍ നീതി തേടി രൂപീകരിക്കപ്പെട്ട സമൂഹമാധ്യമങ്ങളിലെ കൂട്ടായ്മയില്‍ അംഗമായ യുവാവിനൊപ്പമാണ് സഹോദരി പോയത്.
18 മുതല്‍ ഇവരെ കാണാനില്ലെന്ന് കാണിച്ച് ഭര്‍ത്താവ് ഇരവിപുരം പൊലീസില്‍ പരാതി നല്‍കിയിരുന്നു. 10 മാസം പ്രായമുള്ള കുഞ്ഞിനെ ഉപേക്ഷിച്ചാണ് പോയത്. മൂവാറ്റുപുഴയില്‍ ഒളിവില്‍ താമസിക്കുകയാണെന്ന രഹസ്യ വിവരത്തെ തുടര്‍ന്ന് പൊലീസ് നടത്തിയ തെരച്ചിലിലാണ് ഇവരെ കണ്ടെത്തിയത്.
യുവതിയുടെ ആത്മഹത്യയുമായി ബന്ധപ്പെട്ട് സഹോദരിയുടെ പ്രതികരണം സമൂഹമാധ്യമങ്ങളില്‍ വൈറലായിരുന്നു. ഇതുമായി ബന്ധപ്പെട്ട കേസില്‍ പള്ളിമുക്ക് കൊല്ലൂര്‍വള സ്വദേശി മുഹമ്മദ് ഹാരിസ് അറസ്റ്റിലാവുകയും ചെയ്തിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ