കൊച്ചി: കോതമംഗലം നെല്ലിക്കുഴിയില് ബിഡിഎസ് വിദ്യാര്ഥിനിയായ 24 കാരി മാനസയെ രാഹില് വാടകയ്ക്കു താമസിക്കുന്ന വീട്ടിലെത്തിയാണ്
വെടിവച്ചു കൊലപ്പെടുത്തിയത്. വെള്ളിയാഴ്ച, ഉച്ചയ്ക്കു മൂന്നുമണിയോടെ റൂമിലുള്ളവര്ക്കൊപ്പം ഒരുമിച്ചിരുന്നു ഭക്ഷണം കഴിക്കുന്നതിനിടെയാണ് രാഹില് വീട്ടിലെത്തിയതെന്ന് ഇവര്ക്കൊപ്പമുണ്ടായിരുന്നവര് പറയുന്നു. ഇയാളെന്തിനാണ് ഇവിടെ വന്നത് എന്നു ചോദിച്ച് എഴുന്നേറ്റ മാനസയെ കയ്യില് പിടിച്ചു ബലമായി ഒരു മുറിയിലേയ്ക്കു കൂട്ടിക്കൊണ്ടു പോയി.
മുറിയില് നിന്നു ബഹളം കേട്ട് കൂടെയുണ്ടായിരുന്ന കുട്ടികള് മുറിയിലേയ്ക്കു ചെല്ലുമ്പോഴേയ്ക്കും വെടിവച്ചിരുന്നു. ശബ്ദം കേട്ട് എല്ലാവരും ബഹളം വച്ചതോടെ അടുത്ത വെടിയും മുഴങ്ങി. കതക് തുറന്ന് അകത്തു ചെല്ലുമ്പോള് രണ്ടു പേരും വെടിയേറ്റു വീണു കിടക്കുകയായിരുന്നു. ഇരുവരെയും ആശുപത്രിയിലെത്തിച്ചെങ്കിലും അപ്പോഴെക്കും മരിച്ചിരുന്നതായി പൊലീസ് പറയുന്നു
കോളജില് ഹൗസ് സര്ജന്സി ചെയ്യുന്ന ആറു പെണ്കുട്ടികള് രണ്ടു നില കെട്ടിടത്തിനു മുകളിലെ നില വാടകയ്ക്കെടുത്തു താമസിക്കുകയായിരുന്നു. ഒന്നര മാസത്തിനുള്ളില് ഹൗസ് സര്ജന്സി പൂര്ത്തിയാകാനിരിക്കെയാണ് മാനസയെ യുവാവ് കൊലപ്പെടുത്തുന്നത്. ഇവര് നേരത്തെ പരിചയമുള്ളവരാണ്. ഇരുവരും കണ്ണൂര് സ്വദേശികളാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ