പാലക്കാട്: ലോക്ക്ഡൗണ്‍ ഇളവുകള്‍ക്ക് ശേഷം തുറന്ന ജില്ലയിലെ ബീവറേജ്‌സ് ഔട്ട്‌ലെറ്റുകളിലൂടെ  ഒറ്റ ദിവസം കൊണ്ടു വിറ്റഴിച്ചതു 4 കോടി രൂപയുടെ മദ്യം. സാധാരണ വിറ്റു വരവിനെക്കാളും മൂന്നിരട്ടിയാണിത്. ആകെയുള്ള 23 ഔട്ട്‌ലെറ്റുകളില്‍ പതിനാറെണ്ണമാണു തുറന്നു പ്രവര്‍ത്തിച്ചത്. 

25 ബാറുകളും 5 ബീയര്‍ പാര്‍ലറുകളും വഴി ഏതാണ്ട് 1.75 കോടി രൂപയുടെ മദ്യം വിറ്റു.  ടിപിആര്‍ 20% മുകളിലുള്ള സ്ഥലങ്ങളിലെ ഔട്ട്‌ലെറ്റുകളും ബാറുകളും ബീയര്‍ പാര്‍ലറുകളും തുറന്നില്ല. 13 ബാറുകളും 20 ബീയര്‍ പാര്‍ലറുകളുമാണ് അടഞ്ഞു കിടക്കുന്നത്. പല ബീവറേജ്‌സ് ഔട്ട്‌ലെറ്റുകളിലും മദ്യം വാങ്ങാനെത്തിയവരുടെ വരി കിലോമീറ്ററുകളോളം നീണ്ടു. ചിലയിടത്തു പൊലീസ് ലാത്തിവീശി.