ഇടുക്കി: മൂലമറ്റം ഇലപ്പള്ളി വെള്ളച്ചാട്ടത്തില്‍ വീണ് യുവാവ് മരിച്ചു. ഇടുക്കി കഞ്ഞികുഴി സ്വദേശി റിന്റോ വര്‍ഗീസ് ആണ് മരിച്ചത്. 24 വയസ്സായിരുന്നു. കഞ്ഞികുഴിയിലെ തുണിക്കടയില്‍ അക്കൗണ്ടന്റ് ആണ് റിന്റോ .
ഇന്ന് ഉച്ചയ്ക്ക് മൂന്നുമണിയോടെയാണ് സംഭവം. സുഹൃത്തുക്കള്‍ക്കൊപ്പം ഇലപ്പള്ളി കൈക്കുളം പാലത്തിലെ വെള്ളച്ചാട്ടം കാണാന്‍ എത്തിയതാണ് റിന്റോ. കുളിക്കാന്‍ ഇറങ്ങിയപ്പോള്‍ പാറയില്‍ നിന്നും തെന്നി വീഴുകയായിരുന്നു. നിറയെ പാറക്കൂട്ടങ്ങളും കയങ്ങളുമുള്ള പ്രദേശമാണിത്. കനത്തമഴയെ തുടര്‍ന്ന് നീരൊഴുക്ക് ശക്തമായതും ജലനിരപ്പ് ഉയര്‍ന്നതും അപകടത്തിന് കാരണമായാതായാണ് റിപ്പോര്‍ട്ടുകള്‍.
സുഹൃത്തുക്കളാണ് അപകട വിവരം അറിയിച്ചത്. റിന്റോയെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ