തിരുവനന്തപുരം: സര്‍ക്കാര്‍ സര്‍വീസില്‍ വരുന്ന ജീവനക്കാരുടെ ഒഴിവുകള്‍ പിഎസ് സിക്ക് മുന്‍കൂട്ടി അറിയാന്‍ പാകത്തില്‍ സോഫ്റ്റ് വെയര്‍ കൊണ്ടുവരുമെന്ന് മുഖ്യമന്ത്രി പിണറായി വിജയന്‍. നിയമസഭയിലാണ് മുഖ്യമന്ത്രി ഇക്കാര്യം അറിയിച്ചത്.
ജീവനക്കാര്‍ ജോലിയില്‍ പ്രവേശിക്കുമ്പോള്‍ അവരുടെ വിരമിക്കല്‍ തിയതിയും രേഖപ്പെടുത്തും വിധമുള്ള സോഫ്റ്റ്‌വെയറാണ് കൊണ്ടുവരാന്‍ പോകുന്നത്. ഇതിലൂടെ ഓരോ ഘട്ടത്തിലും എത്ര ഒഴിവ് വരുമെന്ന് മുന്‍കൂട്ടി മനസിലാക്കാന്‍ സാധിക്കുമെന്ന് മുഖ്യമന്ത്രി പറഞ്ഞു.
ഇതിലൂടെ ഒഴിവ് റിപ്പോര്‍ട്ട് ചെയ്യുന്നതിന് മുന്‍പ് തന്നെ റിക്രൂട്ട്‌മെന്റ് നടപടികള്‍ ആരംഭിക്കാനും പിഎസ് സിക്ക് കഴിയും. നിലവില്‍ കൂടുതല്‍ അപേക്ഷകര്‍ വരുന്ന തസ്തികയിലേക്ക് പ്രാഥമിക പരീക്ഷയും മുഖ്യ പരീക്ഷയും നടത്തിയാണ് ഇപ്പോള്‍ തെരഞ്ഞെടുപ്പ്. സുതാര്യമായാണ് പിഎസ് സിയുടെ റിക്രൂട്ട്‌മെന്റ് നടപടികള്‍ എന്നും അനാവശ്യ ആശങ്ക ഉയര്‍ത്തേണ്ടതില്ലെന്നും ഷാഫി പറമ്പലിന്റെ ശ്രദ്ധ ക്ഷണിക്കലിന് മറുപടിയായി മുഖ്യമന്ത്രി പറഞ്ഞു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ