മലപ്പുറം: അയൽവീട്ടിലെ കോഴികളെ രക്ഷിക്കാൻ ശ്രമിക്കുന്നതിനിടെ യുവാവിനെ തെരുവുനായ കടിച്ചു. കോഴികളെ രക്ഷിക്കാൻ ശ്രമിക്കുന്നതിനിടെ ഇയാളുടെ കൈവിരൽ നായ കടിച്ചെടുത്തു. പള്ളിക്കൽ വെണ്ണായൂർ പുതുക്കുടിൽ വീട്ടിൽ കോട്ടുപൊയിലിൽ ലതീഷ് (42) ആണ് നായയുടെ ആക്രമണത്തിന് ഇരയായത്. 

അയൽ വീട്ടിലെ മൂന്ന് കോഴികളെ നായ കൊന്നു. ഓടിക്കുന്നതിനിടെ വീണ ലതീഷിന്റെ ഇടതു കൈയിലെ നടുവിരൽ നഖം സഹിതം നായ കടിച്ചെടുത്ത് ഓടുകയായിരുന്നു. കഴിഞ്ഞ ദിവസം ലതീഷിന്റെ വീട്ടിലെ താറാവിനെയും തെരുവുനായ കൊന്നിരുന്നു. 

കടിയേറ്റ ലതീഷിനെ രാമനാട്ടുകര വൈദ്യരങ്ങാടി ഹെൽത്ത് സെന്ററിൽ എത്തിച്ചെങ്കിലും വാക്സിൻ ഇല്ലാത്തത്തിനെത്തുടർന്ന് കോഴിക്കോട് ഗവ. മെഡിക്കൽ കോളജിൽ എത്തിച്ചു വാക്സിൻ നൽകി. കൈവിരൽ ഇന്ന് തുന്നിച്ചേർക്കും.  

ഈ വാര്‍ത്ത കൂടി വായിക്കൂ 

തെരുവുനായ ആക്രമണം: നഷ്ടപരിഹാരത്തിന് അപേക്ഷിക്കാം

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ