ആലപ്പുഴ: ഹരിപ്പാട് ബാങ്ക് ഉദ്യോഗസ്ഥനെ കസ്റ്റഡിയിലെടുത്ത് മര്‍ദ്ദിച്ച സംഭവത്തില്‍ ഡിവൈഎസ്പി അടക്കം ഏഴു പൊലീസുകാര്‍ക്കെതിരെ കേസെടുത്തു. ഹരിപ്പാട് പൊലീസ് ആണ് കേസെടുത്തത്. ബാങ്ക് ഉദ്യോഗസ്ഥന്‍ അരുണിനെ കള്ളക്കേസെടുത്ത് ക്രൂരമായി മര്‍ദ്ദിച്ചതിനാണ് കേസ്.
സംഭവത്തില്‍ കേസെടുക്കാന്‍ മനുഷ്യാവകാശ കമീഷന്റെ നിര്‍ദ്ദേശം നല്‍കിയിരുന്നു. 2017 ലെ യുഡിഎഫ് ഹര്‍ത്താല്‍ ദിവസമാണ് കേസിന് ആസ്പദമായ സംഭവമുണ്ടാകുന്നത്. ബസിന് കല്ലെറിഞ്ഞെന്ന് ആരോപിച്ച് അരുണിനെ പൊലീസ് കസ്റ്റഡിയില്‍ എടുക്കുകയായിരുന്നു.
ഡിവൈഎസ്പി മനോജ്, അരുണിന്റെ കരണത്തടിക്കുകയും വൃഷണം ഞെരിക്കുകയും ചെയ്‌തെന്നാണ് എഫ്‌ഐആറില്‍ പറയുന്നത്. എസ്‌ഐയും മറ്റ് പൊലീസുകാരും കുനിച്ച് നിര്‍ത്തി നട്ടെല്ലിനും പുറത്തും മര്‍ദ്ദിക്കുകയും ചെയ്തു. ക്രൂരമായ മര്‍ദ്ദനത്തെ തുടര്‍ന്ന് അരുണിന് ഒരു മാസം ആശുപത്രിയില്‍ കിടക്കേണ്ടി വന്നു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ