തൊടുപുഴ: ഒൻപതാം ക്ലാസുകാരിയായ പെൺകുട്ടി ഗർഭിണിയാണെന്നു കണ്ടെത്തിയ സംഭവത്തിൽ പ്രതിയായ പൊലീസുകാരന്റെ അറസ്റ്റ് രേഖപ്പെടുത്തി. പെൺകുട്ടിയെ വയറുവേദനയെത്തുടർന്ന് ആശുപത്രിയിലെത്തിച്ചു പരിശോധിച്ചപ്പോഴാണ് ഗർഭിണിയാണെന്നുള്ള വിവരമറിഞ്ഞത്. ഇടുക്കി, മറയൂർ പൊലീസ് സ്റ്റേഷനിലെ സിവിൽ പൊലീസ് ഓഫീസർ ദിലീപാണ്(43) അറസ്റ്റിലായത്. തിരുവനന്തപുരം മാരായമുട്ടം സ്വദേശിയാണ് ഇയാൾ.
ദിലീപ് വിവാഹിതനാണെങ്കിലും ഭാര്യയുമായി പിണങ്ങിയാണ് താമസം. ഇടയ്ക്കിടെ ഇയാൾ പെൺകുട്ടിയുടെ വീട്ടിലെത്തി പീഡിപ്പിക്കുകയായിരുന്നുവെന്ന് പൊലീസ് പറഞ്ഞു. ചൈൽഡ് ലൈൻ പ്രവർത്തകരുടെ ഇടപെടലിലാണ് ഇയാൾക്കെതിരെ പോക്സോ കുറ്റം ചുമത്തിയത്. മൂന്നാർ മാട്ടുപ്പെട്ടിയിൽ ട്രാഫിക്കിൽ സ്പെഷ്യൽ ഡ്യൂട്ടിചെയ്യുകയായിരുന്നു ഇയാൾ. ഇടുക്കി എസ് പിയുടെ നിർദേശപ്രകാരം ആര്യങ്കോട് പൊലീസ് എത്തി കസ്റ്റഡിയിലെടുത്തു.
ഈ വാര്ത്ത കൂടി വായിക്കൂ
സ്കൂൾ, കോളജ് സിലബസിൽ സുരക്ഷിത ലൈംഗിക വിദ്യാഭ്യാസം ഉൾപ്പെടുത്തണം; ഗൗരവമായി പരിഗണിക്കണമെന്ന് ഹൈക്കോടതി
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ