കണ്ണൂര്‍: കണ്ണൂര്‍ നഗരസഭ അംഗം പികെ രാഗേഷ് അടക്കം 7 പേരെ കോണ്‍ഗ്രസിന്റെ പ്രാഥമിക അംഗത്വത്തില്‍ നിന്നു പുറത്താക്കി. പള്ളിക്കുന്ന് സര്‍വീസ് സഹകരണ ബാങ്ക് തെരഞ്ഞെടുപ്പില്‍ വിമത പ്രവര്‍ത്തനം നടത്തിയതിനാണു നടപടി. പാര്‍ട്ടി പള്ളിക്കുന്ന് മണ്ഡലം കമ്മിറ്റിയും ബൂത്ത് കമ്മിറ്റിയും പിരിച്ചുവിട്ടു.
രാഗേഷിനെ കൂടാതെ ചേറ്റൂര്‍ രാഗേഷ്, എംകെ അഖില്‍, പികെ രഞ്ജിത്ത്, പികെ സൂരജ്, കെപി രതീപന്‍, എംവി പ്രദീപ് കുമാര്‍ എന്നിവരെയാണ് പ്രാഥമിക അംഗത്വത്തില്‍ പുറത്താക്കിയത്. കെപി അനിത, കെ.പി.ചന്ദ്രന്‍ എന്നിവരെ പാര്‍ട്ടിയില്‍ നിന്നും സസ്‌പെന്‍ഡ് ചെയ്തതായും ഡിസിസി പ്രസിഡന്റ് മാര്‍ട്ടിന്‍ ജോര്‍ജ് പറഞ്ഞു.
ഇന്നലെ നടന്ന പള്ളിക്കുന്ന് സര്‍വീസ് സഹകരണ ബാങ്ക് തെരഞ്ഞെടുപ്പില്‍ കോണ്‍ഗ്രസിന്റെ ഔദ്യോഗിക പാനലിനെ തോല്‍പിച്ച് വിമത വിഭാഗം ഭരണം പിടിച്ചിരുന്നു. തുടര്‍ന്നാണ് നടപടി.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ