വാഷിങ്ടണ്‍: അമേരിക്കയില്‍ ആറ് രാജ്യങ്ങളില്‍ നിന്നുള്ളവര്‍ക്ക് വീസ നിഷേധിച്ച് ഡൊണാള്‍ഡ് ട്രംപ് ഭരണകൂടം പുതിയ ഉത്തരവിറക്കി. ഇറാന്‍,സൊമാലിയ,സുഡാന്‍,സിറിയ,ലിബിയ,യെമന്‍ എന്നീ രാജ്യങ്ങളിലുള്ളവര്‍ക്കാണ് വിലക്ക്. അടുത്ത മാസം 16 മുതല്‍ വിലക്ക് നിലവില്‍ വരും. 90 ദിവസത്തേക്കാണ് വിലക്ക്. എന്നാല്‍ ഇറാഖില്‍ നിന്നുള്ള പൗരന്‍മാരെ വിലക്കില്‍ നിന്നും ഒഴിവാക്കി. ഗ്രീന്‍ കാര്‍ഡുള്ളവരേയും നേരത്തെ വീസ ലഭിച്ചിട്ടുള്ളവരേയും വിലക്കില്‍ നിന്ന് ഒഴിവാക്കിയിട്ടുണ്ട്.
ഇറാന്‍ ഉള്‍പ്പെടെയുള്ള രാജ്യങ്ങളില്‍നിന്നുള്ളവരെ വിലക്കിയ ജനുവരി 27ന്റെ ഉത്തരവിനെതിരെ യുഎസ് കോടതികള്‍ സ്‌റ്റേ പുറപ്പെടുവിച്ചിരുന്നു. ഇതിന് പിന്നാലെയാണ് പരിഷ്‌കരിച്ച ഉത്തരവ് എന്ന പേരില്‍ ഉത്തരവുമായി ട്രംപ് വീണ്ടും എത്തിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ