ജക്കാര്‍ത്ത: ഇന്തോനേഷ്യയിലെ ബാലിയില്‍ സ്ഥിതി ചെയ്യുന്ന മൗണ്ട് അഗുങ് അഗ്നിപര്‍വതം പുകഞ്ഞു തുടങ്ങിയതോടെ ബാലി വിമാന താവളം അടച്ചു. അഗ്നിപര്‍വതത്തില്‍ നിന്നുള്ള ചാരം വിമാനത്താവളത്തിന് സമീപം എത്തിയതോടെയാണ് വിമാനത്താവളം അടച്ചത്. ഇതോടെ ബാലിയിലേക്ക് പോയ ആയിരത്തോളം വരുന്ന വിനോദസഞ്ചാരികള്‍ കുടുങ്ങി. 

ജാഗ്രതാ നിര്‍ദേശത്തെ തുടര്‍ന്ന് നൂറോളം വിമാനങ്ങള്‍ റദ്ദാക്കിയിട്ടുണ്ട്. 24 മണിക്കൂറത്തേക്കാണ് വിമാനത്താവളം അടച്ചിട്ടിരിക്കുന്നത്. 

പര്‍വതത്തിന് പത്തു കിലോമീറ്റര്‍ ചുറ്റളവില്‍ താമസിക്കുന്നവരെ ഒഴിപ്പിച്ചുകൊണ്ടിരിക്കുകയാണ്. ഏതുനിമിഷവും പൊട്ടിത്തെറിക്കാം എന്ന സ്ഥിതിയിലാണ് പര്‍വതം ഉള്ളത് എന്നാണ് ശാസ്ത്രജ്ഞര്‍ വിലയിരുത്തുന്നത്. ഈ മാസം 26ന് അഗ്നിപര്‍വതം ചെറുതായി പൊട്ടിത്തെറിച്ചിരുന്നു. 
1963ല്‍ മൗണ്ട് അഗുങ് പൊട്ടിത്തെറിച്ച് 1500പേരാണ് മരിച്ചത്.