ബെയ്ജിംഗ്: വഴിയരികിലേക്കും പൊതുസ്ഥലങ്ങളിലുമെല്ലാം മാലിന്യം വലിച്ചെറിയുന്ന അതിബുദ്ധിമാന്‍മാരും ബുദ്ധിമതികളും കണ്ടിരിക്കേണ്ട ഒരു വീഡിയോയാണ് സമൂഹമാധ്യമങ്ങളില്‍ ഇപ്പോള്‍ ചര്‍ച്ചയാകുന്നത്. ചൈനയിലെ ബെയ്ജിംഗില്‍ നടന്ന ഒരു സംഭവമാണ് വീഡിയോയിലെ ഉള്ളടക്കം.
ട്രാഫിക്ക് സിഗ്നലിനടുത്തായി നിര്‍ത്തിയിട്ടിരുന്ന കാറിനുള്ളില്‍ നിന്ന് ഗ്ലാസ് ഡോര്‍ തുറന്ന് കവറിലാക്കിയ മാലിന്യം റോഡിലേക്ക് വലിച്ചെറിയുന്നതാണ് തുടക്കത്തില്‍ കാണാന്‍ കഴിയുക. നിമിഷങ്ങള്‍ക്കുള്ളില്‍ പിന്നാലെയെത്തിയ ബൈക്കുകാരന്‍ കാറിനരികിലായി ബൈക്ക് നിര്‍ത്തുന്നു. ശേഷം ഇയാള്‍റോഡില്‍ കിടന്ന മാലിന്യക്കവര്‍ എടുത്ത് തിരിച്ച് കാറിനുള്ളിലേക്കും വലിച്ചെറിയുന്നു. കാറിനുള്ളില്‍ നിന്ന് യുവതി പുറത്തിറങ്ങയപ്പോഴേക്കും ബൈക്കുകാരന്‍ അവിടേനിന്ന് പൊയ്ക്കഴിഞ്ഞിരുന്നു.
വീഡിയോയില്‍ വിവരിക്കുന്നതനുസരിച്ച് ഇത് ഈ മാസം 17-ാം തിയതി നടന്ന സംഭവമാണ്. വീഡിയോ പങ്കുവച്ചതിന് പിന്നാലെ കൈയ്യടികളുമായി നിരവധിപേരാണ് കമന്റ് ബോക്‌സില്‍ എത്തുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ