ടോക്കിയോ: പൊതുപരിപാടിക്കിടെ യുവതികളെ പരസ്യമായി ചുംബിച്ച് ഫിലിപ്പൈന്‍സ് പ്രസിഡന്റ് റോഡ്രിഗോ ഡ്യുത്തേര്‍ത്ത്. ജപ്പാനിലെ ടോക്കിയോയില്‍ വച്ച് നടന്ന പരിപാടിയില്‍ ഫിലിപ്പന്‍ സമൂഹത്തെ അഭിസംബോധന ചെയ്ത് സംസാരിക്കവെയാണ് സദസ്സിലുണ്ടായിരുന്ന അഞ്ച് യുവതികളെ സ്‌റ്റേജിലേക്ക് വിളിച്ച് വരുത്തി പ്രസിഡന്റിന്റെ ചുംബനം.
സ്വവര്‍ഗ്ഗാനുരാഗി ആകാതിരിക്കാന്‍ സുന്ദരികളായ യുവതികള്‍ തന്നെ സഹായിക്കുന്നുവെന്നായിരുന്നു യുവതികളെ ചുംബിക്കുന്നതിനിടെ റോഡ്രിഗോയുടെ പരാമര്‍ശം. ഫിലിപ്പൈന്‍സ് സെനറ്റര്‍ അന്റോണിയോ ത്രില്ലാന്‍സിനെ വിമര്‍ശിച്ചായിരുന്നു റോഡ്രിഗോയുടെ പരാമര്‍ശം. ഭാര്യയ്ക്ക് മുന്നില്‍വച്ചാണ് റോഡ്രിഗോ പരസ്യമായി ചുംബനം നടത്തിയത്.
ആദ്യം സ്‌റ്റേജിലേക്ക് വിളിച്ച് വരുത്തിയ യുവതി റോഡ്രിഗോയുടെ ചുംബനം ഏറ്റുവാങ്ങാന്‍ മടിച്ചതായി സിഎന്‍എന്‍ റിപ്പോര്‍ട്ട് ചെയ്യുന്നു. ബാക്കിയുള്ളവര്‍ റോഡ്രിഗോയുടെ ചുംബനം സന്തോഷത്തോടെ സ്വീകരിക്കുകയും അദ്ദേഹത്തിനൊപ്പം ഫോട്ടോ എടുക്കുകയും ചെയ്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ