ഇസ്ലമാബാദ്: പുല്വാമയില് ആക്രമണം നടത്തിയെന്ന് ഇന്ത്യ പറയുന്ന ഭീകര സംഘടനയായ ജയ്ഷ്- ഇ- മുഹമ്മദിന്റെ സാന്നിധ്യം പാകിസ്ഥാനില് ഇല്ലെന്ന് സൈനിക വക്താവ്മേജര് ജനറല് ആസിഫ് ഗഫൂര് . ജയ്ഷ് തലവന് മസൂദ് അസര് പാകിസ്ഥാനില് ഉണ്ടെന്ന് വിദേശ കാര്യമന്ത്രി ഷാ മഹ്മൂദ് ഖുറേഷി സ്ഥിരീകരിച്ചതിന് പിന്നാലെയാണ് സൈനിക വക്താവിന്റെ നിഷേധക്കുറിപ്പ് പുറത്ത് വന്നത്.
ഇന്ത്യ അതിര്ത്തി ലംഘിച്ചതിനെ തുടര്ന്ന് യുദ്ധത്തിന്റെ വക്ക് വരെ എത്തിയിരുന്നുവെന്നും എന്നാല് ഇപ്പോള് ആ സ്ഥിതി മാറിയെന്നും മേജര് ജനറല് ആസിഫ് ഗഫൂര് വ്യക്തമാക്കി. അതിര്ത്തി ലംഘിച്ചതിനെ തുടര്ന്നാണ് പാകിസ്ഥാന് ആക്രമണം നടത്തിയതെന്നും അത് സ്വാഭാവികമാണെന്നും സൈനിക വക്താവ് കൂട്ടിച്ചേര്ത്തു.
ബലാകോട്ടില് ഇന്ത്യ നടത്തിയ ആക്രമണത്തില് ഒരു അത്യാഹിതവും സംഭവിച്ചിട്ടില്ല. ഇന്ത്യയുടെ വാദങ്ങള് കളവാണെന്നും പുല്വാമയിലെ ആക്രമണത്തില് പാകിസ്ഥാന് പങ്കില്ലെന്നും ഗഫൂര് പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ