ടോക്കിയോ: ജപ്പാനില്‍ ടൂണ മത്സ്യം ലേലത്തില്‍ പോയത് റെക്കോര്‍ഡ് വിലയില്‍. 276 കിലോഗ്രാം വരുന്ന ടൂണ മത്സ്യം ഏകദേശം 12 കോടിയോളം രൂപ നല്‍കി ജപ്പാനിലെ ബിസിനസ്സുകാരനാണ് സ്വന്തമാക്കിയത്. ലേലത്തിന്റെ വീഡിയോ വ്യാപകമായാണ് പ്രചരിക്കുന്നത്.

സുഷി റെസ്റ്റോറന്റ് ശൃംഖല  നടത്തുന്ന കിയോഷി കിമുറയാണ് ലേലത്തില്‍ വിജയിച്ചത്. ഞായറാഴ്ച ടോക്കിയോയിലെ മത്സ്യമാര്‍ക്കറ്റിലാണ് ലേലം നടന്നത്. വടക്കന്‍ ജപ്പാനില്‍ നിന്നാണ് മത്സ്യത്തെ പിടികൂടിയത്.

ഇത് ചെലവേറിയതാണ് എന്ന് അറിയാമെങ്കിലും ഉപഭോക്താക്കള്‍ക്ക് സ്വാദിഷ്ടമായ  ഭക്ഷണം നല്‍കുന്നതിന്റെ ഭാഗമായാണ് ലേലം പിടിച്ചതെന്ന് കിമുറ പറയുന്നു. ഇതിന് മുന്‍പും ഇത്തരത്തില്‍ കിമുറ വാര്‍ത്തകളില്‍ ഇടംനേടിയിട്ടുണ്ട്.

കഴിഞ്ഞ പുതുവര്‍ഷത്തിലും സമാനമായ രീതിയില്‍ കോടികള്‍ മുടക്കി കിമുറ ടുണ മത്സ്യം വാങ്ങിയത് വാര്‍ത്തയായിരുന്നു.അന്ന് 278 കിലോഗ്രാം വരുന്ന മത്സ്യത്തിന് 3.1 മില്യണ്‍ ഡോളറാണ് ചെലവഴിച്ചത്.