മോണ്ട്‌റിയല്‍ : നിറയെ യാത്രക്കാരുമായി പറന്നുയര്‍ന്ന വിമാനം അപകടത്തില്‍ നിന്നും അത്ഭുതകരമായി രക്ഷപ്പെട്ടു. വിമാനം പറന്നുയര്‍ന്ന ഉടന്‍ വിമാനത്തിന്റെ ടയര്‍ ഊരിത്തെറിക്കുകയായിരുന്നു. എയര്‍ കാനഡ ജാസ് ഡാഷ് 8 എന്ന വിമാനത്തിന്റെ ടയറാണ് ഊരിപ്പോയത്.
49 യാത്രക്കാരും മൂന്നു ജീവനക്കാരുമായി മോണ്ട്‌റിയല്‍ വിമാനത്താവളത്തില്‍ നിന്ന് പറന്നുയര്‍ന്ന വിമാനമാണ് അപകടത്തില്‍പ്പെട്ടത്. വിമാനത്തിന്റെ വലതു വശത്തെ ലാന്‍ഡിങ് ഗിയറില്‍ നിന്നൊരു ടയറാണ് ഊരിപ്പോയത്. യാത്രക്കാര്‍ വന്‍ അപകടത്തില്‍ നിന്നും അദ്ഭുതകരമായി രക്ഷപ്പെട്ടു.
യാത്രക്കാരില്‍ ഒരാളാണ് ടയര്‍ ഊരിത്തെറിക്കുന്ന വിഡിയോ ചിത്രീകരിച്ചത്. പറന്നു പൊങ്ങുന്നതിനിടെ സംഭവിച്ച അപകടം മനസ്സിലാക്കിയ പൈലറ്റ് വിമാനം സുരക്ഷിതമായി നിലത്തിറക്കി. വിമാനം ഉയര്‍ന്നതോടെ ടയറിന്റെ ഭാഗത്ത് തീ വരുന്നതും വീഡിയോയില്‍ കാണാം. ആര്‍ക്കും പരിക്കുകളില്ലെന്നാണ് റിപ്പോര്‍ട്ടുകള്‍.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ