പാരീസ്: ഇസ്ലാമിക് സ്റ്റേറ്റ് നേതാവ് അദ്നാൻ അബു വാഹിദ് അൽ സഹ്റാവിയെ വധിച്ചെന്ന് അവകാശപ്പെട്ട് ഫ്രാൻസ്. ഫ്രഞ്ച് പ്രസിഡന്റ് ഇമ്മാനുവൽ മാക്രോൺ ഇക്കാര്യം സ്ഥിരീകരിച്ചു.
പടിഞ്ഞാറൻ ആഫ്രിക്ക കേന്ദ്രീകരിച്ച് പ്രവർത്തിക്കുന്ന കൊടും ഭീകരനാണ് അദ്നാൻ അബു വാഹിദ് അൽ സഹ്റാവി. അൽ സഹ്റാവിയെ ഫ്രഞ്ച് സൈന്യം ഇല്ലാതെയാക്കി. ഭീകരസംഘടനകൾക്കെതിരെ നടക്കുന്ന പോരാട്ടത്തിൽ വലിയ വിജയമാണിതെന്നും ഇമ്മാനുവൽ മാക്രോൺ ട്വിറ്ററിൽ കുറിച്ചു. എന്നാൽ എവിടെവച്ച് നടന്ന ഏറ്റുമുട്ടലിലാണ് ഇയാൾ കൊല്ലപ്പെട്ടത് എന്നതുൾപ്പെടെയുള്ള വിവരം പുറത്തുവിട്ടിട്ടില്ല.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ