കടലില്‍ മനുഷ്യന്റെ സുഹൃത്തായാണ് ഡോള്‍ഫിനുകളെ വിശേഷിപ്പിക്കുന്നത്. ദിശയറിയാതെ ബുദ്ധിമുട്ടുന്ന സമയത്ത് ഡോള്‍ഫിനുകള്‍ കൃത്യമായി പാത കാണിച്ചു തന്നതായുള്ള അനുഭവങ്ങള്‍ സഞ്ചാരികള്‍ പങ്കുവെച്ചിട്ടുണ്ട്. ഇപ്പോള്‍ കടലില്‍ വീണ നായയെ ഡോള്‍ഫിന്‍ രക്ഷിക്കുന്ന ദൃശ്യങ്ങളാണ് വൈറലാകുന്നത്.
ക്ലെമന്റ് ബെന്‍ ഐഎഫ്എസ് ആണ് വീഡിയോ ട്വിറ്ററില്‍ പങ്കുവെച്ചത്. ഡോള്‍ഫിന്റെ പുറത്ത് കയറി നായ തിരിച്ചു ബോട്ടില്‍ എത്തുന്നതാണ് വീഡിയോയിലുള്ളത്. ദേഹം മുഴുവന്‍ നനഞ്ഞ നായയെ പുറത്തുകയറ്റി ഡോള്‍ഫിന്‍ നീന്തുന്നത് വീഡിയോയില്‍ വ്യക്തമാണ്.
ബോട്ടില്‍ എത്തിയ ശേഷം ഇരുവരുടെയും സ്‌നേഹപ്രകടനവും ഹൃദ്യമാണ്. കുരച്ചു കൊണ്ടാണ് നായ സ്‌നേഹം പ്രകടിപ്പിക്കുന്നത്. തുടര്‍ന്ന് ഇരുവരും അടുത്തെത്തി സ്‌നേഹം പ്രകടിപ്പിക്കുന്നിടത്ത് വച്ചാണ് വീഡിയോ അവസാനിക്കുന്നത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ