ചാള്‍സ് രാജാവിന് കാന്‍സര്‍, ഔദ്യോഗിക പരിപാടികള്‍ അനിശ്ചിതകാലത്തേക്ക് മാറ്റിവെച്ചു
ലണ്ടന്‍: ബ്രിട്ടനിലെ ചാള്‍സ് രാജാവിന് കാന്‍സര്‍ രോഗം സ്ഥിരീകരിച്ചു. ഇതോടെ ചാള്‍സ് രാജാവിന്റെ ഔദ്യോഗിക പരിപാടികള്‍ അനിശ്ചിതകാലത്തേക്ക് മാറ്റിവച്ചതായി ബക്കിംഗ്ഹാം കൊട്ടാരം അറിയിച്ചു.
പ്രോസ്റ്റേറ്റ് ഗ്രന്ഥി വീക്കത്തിന് ചികിത്സ തേടി കഴിഞ്ഞ മാസം മൂന്ന് ദിവസം 75 കാരനായ ചാള്‍സ് രാജാവ് ആശുപത്രിയില്‍ ചെലവഴിച്ചിരുന്നു. ഇവിടെ വച്ച് നടത്തിയ പരിശോധനയിലാണ് കാന്‍സര്‍ രോഗം ശ്രദ്ധയില്‍പ്പെട്ടതെന്നും ബക്കിംഗ്ഹാം കൊട്ടാരം അറിയിച്ചു.
'തന്റെ ചികിത്സയെക്കുറിച്ച് പൂര്‍ണ്ണമായി പോസിറ്റീവായി തുടരുന്ന അദ്ദേഹം, എത്രയും വേഗം പൊതുവേദിയിലേക്ക് മടങ്ങാന്‍ ആഗ്രഹിക്കുന്നു. ഊഹാപോഹങ്ങള്‍ തടയുന്നതിനാണ് രോഗനിര്‍ണയം പങ്കിടാന്‍ അദ്ദേഹം തീരുമാനിച്ചത്'- ബക്കിംഗ്ഹാം കൊട്ടാരം പ്രസ്താവനയില്‍ പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ