മലയാളികളുടെ പ്രിയങ്കരിയായ നടിയാണ് നമിത പ്രമോദ്. സോഷ്യൽ മീഡിയയിൽ സജീവമായ താരം തന്റെ വിശേഷങ്ങൾ സോഷ്യൽ മീഡിയയിലൂടെ പങ്കുവയ്ക്കാറുണ്ട്. ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത് നമിത പ്രമോദ് സോഷ്യൽ മീഡിയയിൽ പങ്കുവച്ച ചിത്രങ്ങളാണ്.
തന്റെ ശരീരത്തിലെ സ്ട്രെച്ച് മാർക്കുകൾ വ്യക്തമാക്കിക്കൊണ്ടുള്ളതാണ് ചിത്രം. കാറിൽ ഡ്രൈവിങ് സീറ്റിൽ ഇരിക്കുന്ന നമിതയെയാണ് ചിത്രത്തിൽ കാണുന്നത്. ഹലോ കർവ്സ്, സ്ട്രെച്ച് മാർക്കുകൾ, ചുളിവുകൾ- എന്ന അടിക്കുറിപ്പിലാണ് ചിത്രങ്ങൾ പങ്കുവച്ചത്.
സോഷ്യൽ മീഡിയയിൽ പലപ്പോഴും പെർഫക്റ്റ് ലുക്കിൽ എത്താനായി താരങ്ങൾ കഠിനശ്രമങ്ങൾ നടത്തുമ്പോഴാണ്, തൻെ ശരീരത്തിലെ പാടുകളെ അംഗീകരിച്ചുകൊണ്ടുള്ള നമിതയുടെ പോസ്റ്റ്. ബോഡി പോസിറ്റിവിറ്റി സന്ദേശത്തോടെയുള്ള പോസ്റ്റ് ആരാധകർക്കിടയിൽ ശ്രദ്ധ നേടുകയാണ്. നിരവധി പേരാണ് താരത്തെ പ്രശംസിച്ചുകൊണ്ട് കമന്റ് ചെയ്യുന്നത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
