കനത്ത വേനലിൽ ചുട്ടുപൊള്ളുകയാണ് ഇന്ത്യയിലെ മിക്ക സ്ഥലങ്ങളും. മനുഷ്യർ മാത്രമല്ല മൃഗങ്ങളും ചൂടിൽ വലയുകയാണ്. പക്ഷിമൃഗാദികൾക്ക് വെള്ളം നൽകാൻ മറക്കരുത് എന്ന തരത്തിൽ പ്രചാരണങ്ങൾ നടന്നുവരുന്നുണ്ട്. വെള്ളം തേടിയലഞ്ഞ കുരങ്ങന് വെള്ളം കൊടുക്കുന്ന ട്രാഫിക് പൊലീസുകാരനാണ് ഇപ്പോൾ സമൂഹമാധ്യമങ്ങളിൽ നിറയുന്നത്.
മഹാരാഷ്ട്രയിലെ മാൽഷേജ് ഘട്ടിലാണ് സംഭവം. ഐഎഫ്എസ് ഉദ്യോഗസ്ഥനായ സുശാന്ത നന്ദയാണ് വിഡിയോ ട്വിറ്ററിൽ പങ്കുവച്ചത്.
സഞ്ജയ് ഗൂഡെ എന്ന പൊലീസ് ഉദ്യോഗസ്ഥനെയാണ് വിഡിയോയിൽ കാണുന്നത്. ഇദ്ദേഹം കുരങ്ങന് കുപ്പിയിൽ വെള്ളം കുടിക്കാൻ നൽകുന്നത് വിഡിയോയിൽ കാണാം. സമീപത്തുണ്ടായിരുന്നവരാണ് ഈ ദൃശ്യം മൊബൈലിൽ പകർത്തിയത്.
ഈ വാര്ത്ത വായിക്കാം
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ