തിരുവനന്തപുരം: ശബരിമലയില് യുവതികള് ദര്ശനം നടത്തിയത് സ്ഥിരീകരിച്ച് മുഖ്യമന്ത്രി പിണറായി വിജയന്. യുവതികള് ദര്ശനം നടത്തിയെന്നത് വസ്തുതയാണെന്നും പൊലീസ് സംരക്ഷണം നല്കിയെന്നും മുഖ്യമന്ത്രി പറഞ്ഞു.
ശബരിമലയില് നേരത്തെയും ദര്ശനത്തിനായി യുവതികള് പോയിരുന്നു. തടസങ്ങള് ഉണ്ടായതുകൊണ്ട് അവര്ക്കു കയറാന് പറ്റിയില്ല. ഇന്നു കയറിയിട്ടുണ്ടെങ്കില് തടസങ്ങള് ഉണ്ടായിക്കാണില്ലെന്നാണ് അര്ഥം-മുഖ്യമന്ത്രി പറഞ്ഞു.
യുവതികള് ദര്ശനം നടത്തിയെന്നത് ദേവസ്വം ബോര്ഡോ പൊലീസോ സ്ഥിരീകരിക്കാത്തതു ചൂണ്ടിക്കാട്ടിയപ്പോള് യുവതികള് കയറിയെന്നത് വസ്തുതയാണെന്ന് മുഖ്യമന്ത്രി വ്യക്തമാക്കി. പൊലീസ് സുരക്ഷ കൊടുത്തിട്ടുമുണ്ട്. ദര്ശനത്തിന് എത്തുന്ന യുവതികള്ക്ക് സുരക്ഷ ഒരുക്കുമെന്ന് നേരത്തെയും വ്യക്തമാക്കിയതാണെന്ന് മുഖ്യമന്ത്രി ചൂണ്ടിക്കാട്ടി.
യുവതികള് ദര്ശനത്തിന് എത്തിയോ എന്ന കാര്യം അറിയില്ലെന്നായിരുന്നു ദേവസ്വം മന്ത്രി കടകംപള്ളി സുരേന്ദ്രനും തിരുവിതാംകൂര് ദേവസ്വം ബോര്ഡ് പ്രസിഡന്റ് എ പദ്മകുമാറും പ്രതികരിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ