കേരളം
ശബരിമലയില് തട്ടി എല്ഡിഎഫ് വീഴും, യുഡിഎഫിന് 16 സീറ്റ്; ബിജെപി അക്കൗണ്ട് തുറക്കുമെന്ന് ടൈംസ് നൗ സര്വേ
എല്ഡിഎഫ് മൂന്ന് സീറ്റിലേക്ക് ഒതുങ്ങുമ്പോള് യുഡിഎഫ് വലിയ വിജയം നേടുമെന്നാണ് സര്വേ പറയുന്നത്. കേരളത്തില് നിന്ന് ബിജെപി ലോക്സഭയിലും അക്കൗണ്ട് തുറക്കുമെന്നും ടൈംസ് നൗ
ന്യൂഡല്ഹി: ശബരിമല വിഷയം തെരഞ്ഞെടുപ്പില് എല്ഡിഎഫിനെ തിരിഞ്ഞ് കൊത്തുമെന്ന് ടൈംസ് നൗ- വിഎംആര് സര്വേ. എല്ഡിഎഫ് മൂന്ന് സീറ്റിലേക്ക് ഒതുങ്ങുമ്പോള് യുഡിഎഫ് വലിയ വിജയം നേടുമെന്നാണ് സര്വേ പറയുന്നത്. കേരളത്തില് നിന്ന് ബിജെപി ലോക്സഭയിലും അക്കൗണ്ട് തുറക്കുമെന്നും ടൈംസ് നൗ പ്രവചിക്കുന്നു.
ഹിന്ദു വോട്ട് ബാങ്ക് എല്ഡിഎഫിനെ കൈവിടുന്നതോടെ വോട്ട് വിഹിതം 30 ശതമാനത്തില് താഴുമെന്നാണ് സര്വേ വിലയിരുത്തുന്നത്. ഈ മാസം ആദ്യ ആഴ്ചയില് 16,000 ത്തിലേറെ വോട്ടര്മാരെ പങ്കെടുപ്പിച്ച് നടത്തിയ സര്വേ ഫലമാണ് പുറത്ത് വിട്ടിരിക്കുന്നത്.
യുഡിഎഫ് 45 ശതമാനം വോട്ടുകളും എന്ഡിഎ 21 ശതമാനവും എല്ഡിഎഫ് ഒഴിച്ചുള്ളവര് 4.1 ശതമാനം വോട്ടുകളും നേടുമെന്നാണ് പ്രവചനം പറയുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ