കസാഖിസ്ഥാന്‍: കഠിനമായ വയറുവേദനയുമായി എത്തിയ പന്ത്രണ്ട് വയസ്സുകാരിയുടെ വയറ്റില്‍ നിന്ന് ഡോക്ടര്‍മാര്‍ പുറത്തെടുത്തത് മൂന്നര കിലോ തലമുടി. കസാഖിസ്ഥാനിലെ മങ്ക്യസ്തു റീജിണല്‍ ചില്‍ഡ്രന്‍സ് ആശുപത്രിയിലാണ് സംഭവം. 

കഴിഞ്ഞ രണ്ട് വര്‍ഷമായി കുട്ടി വയറുവേദനക്ക് ചികിത്സ തേടുന്നുണ്ട്. എന്നാല്‍ വെള്ളിയാഴ്ച്ച വയറുവേദന അസഹനീയമായതിനെ തുടര്‍ന്ന് ആശുപത്രിയിലെത്തുകയായിരുന്നു. തുടര്‍ന്ന് നടത്തിയ വിദഗ്ധ പരിശോധനയില്‍ വയറിനുള്ളില്‍ തലമുടിക്കെട്ടാണെന്ന് കണ്ടെത്തുകയായിരുന്നു. ഗോളാകൃതിയിലാണ് മുടിക്കെട്ട് കണ്ടെത്തിയത്.

15 സെന്റി മീറ്റര്‍ നീളമുള്ള 35 തലമുടികളാണ് ശസ്ത്രക്രിയയിലൂടെ വയറ്റില്‍നിന്നും പുറത്തെടുത്തത്. കുട്ടിക്ക് സ്വന്തം മുടി ചവയ്ക്കുന്ന ശീലമുണ്ടെന്ന് പെണ്‍കുട്ടിയെ ചികിത്സിച്ച ഡോക്ടര്‍മാര്‍ പറയുന്നു. കൂടാതെ തലമുടി കഴിക്കുന്നതിനാല്‍ കുട്ടിക്ക് മനംപുരട്ടല്‍ അനുഭവപ്പെട്ടിരുന്നതായും ശരീരഭാരം കുറഞ്ഞിരുന്നതായും ഡോക്ടര്‍മാര്‍ പറഞ്ഞു.